BALSAMICEDIK

Orðið balsam kemur ú latínu og merkir ilmsmyrsl. Balsamicedik kemur frá Ítalíu og er borgin Modena fræg fyrir framleiðslu á hágæða balsamicediki. Það er lagað úr ógerjuðum safa ljósra vínberja sem eru týnd mjög seint og eru því vel þroskuð. Safinn er soðinn í síróp og blandaður góðu vínediki og látinn eldast í viðarámum, oft áratugum saman. Gott balsamic edik er hægt að drekka eins og annan vökva án þess að blikka auga. Til er ljóst og dökkt balsamic edik.